Кыргызстанда Кумтөр кенин иштетүү боюнча келишимдин денонсациясы үчүн он миңден ашуун кол топтолду. Бул тууралуу "Азаттыкка" Жогорку Кеңештин депутаты Ахматбек Келдибеков билдирди.
Ушу тапта Бишкекте "Эл үнү" коомдук-саясый кыймылынын экинчи жыйыны өтүп жатат. Күн тартибинде төрт маселе бар. Биринчиси - Кумтөр боюнча келишимди денонсациялоо талабы менен топтолгон 10 миңден ашык кол тууралуу документти Жогорку Кеңешке тапшыруу, экинчиси - денонсация болгончо Кыргызстандагы кен байлыктар боюнча аукциондорго убактылуу тыюу салуу, үчүнчүсү - апрел окуясындагы талап-тоноочулук жана рейдерлик басып алууларды иликтеген депутаттык комиссиянын айрым мүчөлөрүнүн баяндамасын угуу. Ал эми төртүнчүсү - уюштуруу маселелерин кароо.
1-декабрда Бишкекте ондон ашык оппозициялык маанайдагы партия жана уюм өкүлдөрү жыйын куруп, “Эл үнү” коомдук-саясий кыймылы түзүлгөнүн жарыялаган. Бул жыйын ич ара чыр-чатак менен коштолгон. (EBM/RK)
Ушу тапта Бишкекте "Эл үнү" коомдук-саясый кыймылынын экинчи жыйыны өтүп жатат. Күн тартибинде төрт маселе бар. Биринчиси - Кумтөр боюнча келишимди денонсациялоо талабы менен топтолгон 10 миңден ашык кол тууралуу документти Жогорку Кеңешке тапшыруу, экинчиси - денонсация болгончо Кыргызстандагы кен байлыктар боюнча аукциондорго убактылуу тыюу салуу, үчүнчүсү - апрел окуясындагы талап-тоноочулук жана рейдерлик басып алууларды иликтеген депутаттык комиссиянын айрым мүчөлөрүнүн баяндамасын угуу. Ал эми төртүнчүсү - уюштуруу маселелерин кароо.
1-декабрда Бишкекте ондон ашык оппозициялык маанайдагы партия жана уюм өкүлдөрү жыйын куруп, “Эл үнү” коомдук-саясий кыймылы түзүлгөнүн жарыялаган. Бул жыйын ич ара чыр-чатак менен коштолгон. (EBM/RK)
