Ички иштер министрлигинин маалымат катчысы Жоробай Абдраимовдун “Азаттыкка” айтымында, ИИМдин өздүк курамы күчөтүлгөн тартипте кызмат өтөөгө өттү. Майрам күндөрү 7,5 миңдей милиция кызматкери жана элдик кошуундун он миңдей өкүлү коопсуздукту жана коомдук тартипти көзөмөлдөп турушат. Өзгөчө эл көп топтолгон коомдук жайлар, стратегиялык маанидеги имараттарга көзөмөл күчөтүлөт. Мындай тартип 2-январга чейин уланат. (КЕ)
