Бул тууралуу Ысык-Көл облустук ички иштер башкармалыгынын басма сөз катчысы Сталбек Усубакунов билдирди. Анын айтымында, Жети-Өгүз районунда бир машиненин ичинен мыйзамсыз атылган Марко Поло тукумундагы тоо текесинин эти жана эки катталбаган курал табылган. Ошондой эле бир киши өлтүрүү, бир уурулук фактылары катталган. Мындан сырткары Каракол шаарында “Уют” аттуу кафе өрттөнгөн. Жаңы жыл түнү облус боюнча 580 милиция кызматкери нөөмөттө турду. (МК)
