Чек ара кызматынын билдиришинче, Баткенде “Кулунду” чек ара туругунда “КамАз” үлгүсүндөгү эки унаа чек араны мыйзамсыз кесип өткөн маалда кармалды. Анда Кыргызстандын эки жараны 36 тонна жер семирткич (селитра) тартып келаткан. Ошондой эле аталган облустагы “Көк-Таш” чек ара туругунда баасы 300 миң сом деп бааланган 10 тонна мандарин алып келаткан “КамАз” колго түштү. Учурда бул фактыларды иликтеп-тергөө жүрүп жатат. (EBM)
