Линктер

шаршемби, 20-сентябрь, 2017 Бишкек убактысы 19:04

Пакистан: бен Ладендин шаарында оюн-зоок паркы курулат


Абутабад шаары Аль-Каиданын лидери Осама бен Ладен өлтүрүлгөн шаар делип эсептелинет. Шаар жайгашкан Хибер-Пахтанхва провинциясынын аткаминерлери курулуучу гүлбакта зоопарк, спорт комплекстери жана суу аттракциондору болорун айтышууда. Маалыматтарда айтылгандай, парктын курулушу беш жылга созулушу жана ага 30 миллионго чукул доллар сарпталышы ыктымал. Азырынча оюн-зоок гүлбагынын курулушун ким каржылары айтыла элек. Аткаминерлер парк Осама бен Ладен өлтүрүлүшү менен белгилүү болгон Абутабад шаарынын аброюн жакшыртуу максатында курулуп жатат дегенди четке кагышты.

2011-жылы май айында АКШнын атайын кызматы Ал-Каиданын башчысы деп саналган Осама бен Ладенди Абутабаддагы үйүндө өлтүргөн. Кийинчерээк үйү да жок кылынган.

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG