Дүйшөмбү калаасында сот шектүү кылмышкердин камакта көз жумушуна байланыштуу, тергөөчү Абдырахмон Додовду шалаакылык кинеси менен эки жылга кести. 2011-жылы Бахромиддин Шодиев деген киши ууру кылган деп кармалган эле. Кийинки күнү аны эс-учун жоготкон абалында ооруканага алып келишкен, бирок ал 10 күн өтпөй көз жумган. Үзүлөөрдүн алдында эсине келген Шодиев туугандарына ур-тепкиге алынып, бирөөнүн кылмышын мойнуна илүү аракети болгондугун айткан. Жергиликтүү укук коргоочулар тергөөчүгө жеңил жаза берилгендигин айтышууда.
