Кош жарандыгын жашырган мамлекеттик кызматчыларга айып салынат

Мындай чара Жогорку Кеңеш бүгүн үчүнчү окуудан жактырган мыйзамдарда каралган.

Атап айтканда, тиешелүү өзгөртүү мамлекеттик кызмат, жалпы аскерий милдет тууралуу мыйзамдарга жана Кылмыш кодексине киргизилди.

Аларга ылайык, мамлекеттик кызматка өтүүдө кош жарандыгы тууралуу жалган маалымат бергендер, жарандын кош атуулдугу бардыгын билип туруп алардын мамлекеттик кызматка киришине жол бергендер айып салуу жолу менен жазаланат.

Айыптын өлчөмү 800 миңден 1 000 000 сомго чейин деп көргөзүлгөн. (UE)