Мындай долбоорду “Прогрессивдүү демилгелер” деп аталган фонд иштеп чыккан. Долбоордун ачылышы бүгүн Бишкекте өтөт. Фонддун өкүлдөрүнүн айтымында, “Кыргызстандын идеялар картасы” долбоору жоопкерчиликтүү жарандардын башын кошуп, үлгүлүү элитаны түзүү жана өлкөнүн идеялык тирегин түзүү максатын көздөйт. Долбоордун алкагында, адискөй аналитиктердин катышуусу менен иликтөө иштери жүргүзүлүп, өлкөдөгү көйгөйлөрдү чечүүнүн прогрессивдүү жолдору сунушталат.
