Жогорку Кеңеште жаңы өкмөт мүчөлөрү ант беришти

Жогорку Кеңештин бүгүнкү жыйынында жаңы дайындалган вице-премьер-министр Шамил Атаханов, ички иштер министри Абдылда Суранчиев, маданият, маалымат жана туризм министри Султан Раев, ошондой эле эмгек, миграция жана жаштар министри Алиясбек Алымкулов ант беришти. Жыйынга президент Алмазбек Атамбаев да катышты.

Жыл башында өкмөт түзүмү өзгөрүп, чек ара маселелерин тескеген вице-премьер-министрлик орун түзүлгөн. Ошондой эле бир катар министрликтердин ыйгарым укук, милдеттери да өзгөргөн болчу. (KKs)