Бүгүн Бишкектеги Чыңгыз Айтматов атындагы орус драма театрында мусулман кийимдеринин мода көргөзмөсү өтөт. Бул тууралуу "Азаттыкка" аталган көргөзмөнүн уюштуруучулары кабарлашты. Көргөзмөдө 10 дизайнердин тиккен кийимдери көрсөтүлөт. Алар өздөрү иштеп чыккан беш түрлүү кийимдерин эл алдына алып чыгышы керек. Уюштуруучулардын айтымында, бул көргөзмө Кыргызстанда экинчи ирет өтүп жатат. Алгачкы жолу былтыр ноябрь айында өткөн.(BkA)
