Ысык-Көл облусунун борборундагы мал базарда жайгашкан сактоо жайларынан 21- март күнү 13:21 де өрт чыккан. Анын кесепетинен 256 түк чөп күйүп, жалпы чыгаша 41 миң 300 сом болду. Бул тууралуу "Азаттыка" Ысык-Көл облустук өрткө каршы кызматынын ага инспектору Бекжан Жексенбиев билдирди. Анын маалыматына караганда, өрт өчүрүүчүлөр тарабынан 400 литр авиа керосин, 1 авто унаа, курулуш материалдары сакталып калды. Жалпы сакталган мүлктүн баасы 1 млн. сом болду. Тилсиз жоонун чыгуу себеби такталууда. Жексенбиев ушул эле күнү Кызыл-Суу айылында бир баланын шоктугунан 100 түк чөп күйүп кеткенин кошумчалады. (MK)
