“Манастагы” АКШнын транзиттик борборун чыгарбаса Кыргызстандын азыркы бийлигинин да тагдыры жакшы болбойт – орусиялык белгилүү талдоочулардын Бишкекте өткөргөн жыйынында мына ушул ойго басым жасалды. Мындай позицияны жергиликтүү саясатчылар Москванын эгемен Кыргызстанга басымы катары баалап жатышат. Ошентип ырасмий Бишкек кайрадан эки дөөнүн ортосунда калды. Базанын чыгарылышынын Кыргызстанга пайда-зыяны канча? “Ыңгайсыз суроолор” телепрограммасынын бул жолку чыгарылышында ушул суроого жооп издедик. Талкууга белгилүү укук коргоочу Токтайым Үмөталиева жана саясат таануучу Санжар Тажиматов катышты. (1-бөлүк)