Билим берүү жана илим министрлигинде бүгүн эл аралык донор уюмдар менен жолугушуу өтөт. Анда билим тармагын инвестициялоону жакшыртуу боюнча талкуу болот. Аталган министрликтен кабарлашкандай, талкууга ЮНИСЕФ, ЮСАИД уюмдардын, Евробиримдиктин өкүлдөрү катышмакчы. Соңунда кыргыз өкмөтү менен донор уюмдардын кызматташуусунун жол-жоболору боюнча биргелешкен билдирүүгө кол коюлмакчы. (EBM)
