АКШнын Бостон шаарында кош жардырууда шектелип жаткан дагестандык Тамерлан жана Жохар Царнаев Кыргызстанда төрөлгөнү маалымат каражаттарында айтылган. Токмоктогу жердештеринин айтымында, кылмышка шектелген Тамерлан Царнаев 1986-жылы Кыргызстанда, иниси Жохар Царнаев 1993-жылы Дагестанда төрөлгөн. Царнаевдердин үй-бүлөсү 1990-жылдардын башында Чеченстанга көчүп кеткен жана 1995-жылы Кыргызстанга кайтып келген. 2001-жылы бул үй-бүлө кайра Дагестанга кетип, андан ары АКШга жер которгон. (Тимур Токтоналиев, Улан Асаналиев)