Пенсионерди зордуктоого аракет кылган жигит кармалды

Ош шаарында 57 жаштагы аялды зордуктоого аракет жасаган 24 жаштагы киши кармалды. Бул тууралуу «Азаттыкка» Ош шаардык Ички иштер башкармалыгынын басма сөз катчысы Замир Сыдыков билдирди. Анын айтымында, кылмышка шектүү адам Ош шаарынын тургуну. Окуя 2-майда болгон.

Кылмышка шектүү жигит жабырланган айымдын арызынын негизинде ошол эле күнү кармалган. Учурда тергөө амалдары жүрүп жатат. (SE)