Бийликтер исламчыл козголоңчулардын кечээги чабуулу өлкөнүн түндүк-чыгышында болгонун, согушкерлер граната колдонушканын айтышты. Азырынча Борно штатындагы чабуулду ким жасаганы белгисиз, бирок бул аймак көптөн бери исламчыл козголоңчулардын “Боко Харам” сектасынын очогу деп саналып келгени маалым. Батыштын билимин жана маданиятын такыр четке каккан бул козголоңчулардын соккусу акыркы жылдары Африкадагы эң көп калктуу өлкөнү бейстабилдүүлүктүн борборуна айландырып келген.
