1-июнь – Балдарды коргоонун эл аралык күнү алдында Кыргызстанда акыркы кезде педофилия жана балдарды уурдоо окуялары арбыганы жарыяланды. Балдар укуктарын коргоо уюмдары коомдук коопсуздукту ойдогудай камсыз кылбайт, балдарга каршы кылмыштарды алдын алалбайт деп милицияны сынга алууда. Милиция кезегинде мындай окуялар апыртылып айтылат деп билдирди. Балдарды зордуктоого жана уурдоолорго кантип каршы турабыз? Бачабаздарга жазаны катаалдаштыруудан майнап чыгабы? “Азаттыктын” “Ыңгайсыз суроолор” телепрограммасынын бул жолку чыгарылышында ушул суроолорго жооп издейбиз. Талкууга - Жогорку Кенештин депутаты Айнуру Алтыбаева жана Кылмыш иликтөө башкы башкармалыктын башчысынын орун басары Орозбек Молдосариев катышты. (3)