Бул тууралуу “Азаттыкка” Жалал-Абад облусундагы Сузак райондук ички иштер бөлүмүнүн башчысы Алмаз Малабеков кабарлады. Анын айтымында, митингчилердин саны 250дөн ашат. Жолго эки “Камаз” шагыл төгүлгөн, айланасы дөңгөлөктөрдүн балондору менен тосулган. Эки тарапка кетчүлөр баштыктарын көтөрүп, тосулган жерден жөө өтүп жатат. “Тажияга бараткандарды, балалууларды, ооруп-сыркоологондорду жана майыптарды тоскоолдуксуз өткөрүп жатат. Сүйлөшүүлөрдүн негизинде кечинде тез бузула турган жемиш жүктөлгөн эки унаа тосулган жерден өттү. Митингчилер Медер Үсөнов бошотулары менен жолду ачышарын айтышууда”,- дейт Малабеков. (EBM)
