АКШ Мамдепартаменти "Кыргызтрансавиа" (KTA) компаниясын Иранга санкциядан качканга көмөктөшкөн деп күнөөлөп, ага каршы санкция жарыялады.
АКШ Мамдепартаментинин маалымдашынча, “Кыргызтрансавиа”, Украинанын “Буковина” жана “Украина-Жер ортолук деңизи авиакаттамдары”, ошондой эле Бириккен Араб Эмирлигинин компаниялары Ирандын авиакомпанияларына (“Махан ейр” жана“Иран ейр”) учак саткан жана учактарын лизингге берген.
“Кыргызтрансавиа” 2009-2010-жылдары Ирандын “Махан ейр” компаниясынын 8 учак сатып алуусуна ортомчулук кылган. Алардын айрымдарын “Махан ейр” Сириядагы режимге мыйзамсыз жүктөрдү ташуу үчүн, ошондой эле Европа жана Азияга жүргүнчүлөрдү тартуу үчүн пайдаланылганы айтылат билдирүүдө.
“Кыргызтрансавианын” вице-президенти Таалайбек Окенов “Азаттыкка” курган маегинде буларды айтты:
"Биздин авиакомпанияда жүргүнчүлөрдү ташуучу Airbus 310 жана Airbus 300 учактар бар. Булар жүргүнчүлөрдү ташуучу учак болгондуктан жүргүнчүлөрдү гана ташыйт. Эл аралык жарандык авиация уюмунун эрежеси боюнча биздин компанияга каруу-жарак ташыганга уруксат жок. Биздин компаниянын учактары курал-жарак ташыган эмес жана ташыбайт".
Мурда Мамдепартамент Ирандын ислам сакчылары корпусун Ливандын “Хезболла” уюмунун атынан Сирияга каруу-жарак, түрдүү товарлар жана адам менен жардамдашат деп айыптаган. (AU)
АКШ Мамдепартаментинин маалымдашынча, “Кыргызтрансавиа”, Украинанын “Буковина” жана “Украина-Жер ортолук деңизи авиакаттамдары”, ошондой эле Бириккен Араб Эмирлигинин компаниялары Ирандын авиакомпанияларына (“Махан ейр” жана“Иран ейр”) учак саткан жана учактарын лизингге берген.
“Кыргызтрансавиа” 2009-2010-жылдары Ирандын “Махан ейр” компаниясынын 8 учак сатып алуусуна ортомчулук кылган. Алардын айрымдарын “Махан ейр” Сириядагы режимге мыйзамсыз жүктөрдү ташуу үчүн, ошондой эле Европа жана Азияга жүргүнчүлөрдү тартуу үчүн пайдаланылганы айтылат билдирүүдө.
“Кыргызтрансавианын” вице-президенти Таалайбек Окенов “Азаттыкка” курган маегинде буларды айтты:
"Биздин авиакомпанияда жүргүнчүлөрдү ташуучу Airbus 310 жана Airbus 300 учактар бар. Булар жүргүнчүлөрдү ташуучу учак болгондуктан жүргүнчүлөрдү гана ташыйт. Эл аралык жарандык авиация уюмунун эрежеси боюнча биздин компанияга каруу-жарак ташыганга уруксат жок. Биздин компаниянын учактары курал-жарак ташыган эмес жана ташыбайт".
Мурда Мамдепартамент Ирандын ислам сакчылары корпусун Ливандын “Хезболла” уюмунун атынан Сирияга каруу-жарак, түрдүү товарлар жана адам менен жардамдашат деп айыптаган. (AU)
