Жарандык коом жөлөк пул жагдайын карап чыгууну талап кылууда

Мындай талаптар бүгүн социалдык өнүктүрүү министри Кудайберген Базарбаев менен жарандык коомдун өкүлдөрүнүн жолугушуусунда коюлду.

“Психикалык саламаттык” коомдук уюмунун жетекчиси Бурул Макенбаева балдарга жана жакыр жашагандарга каралган мамлекеттик жөлөк пул башкаларга берилип жатканын белгилеп, депутаттарга берилүүчү кошумчалар башка булактардан каралууга тийиштигин айтты.

Жарандык коомдун өкүлдөрү министрден статс-катчы Бакыт Жекшеновду кызматтан алууну да өтүнүштү. Мурдараак бул маселени “Жарандык демилгелер коалициясы” да көтөрүп чыккан. (ZKo)