Пакистандын жаңы өкмөтү өлүм жазасына мораторийди токтотту. Ички иштер министрлигинин өкүлүнүн билдиришинче, өкмөт өлүм жазасына тартылгандар “өз баасын алууга тийиш” деп чечти жана аларга эч кандай мунапыс берилбейт. 2009-жылы мурдагы өкмөт кезде президент Асиф Али Зардари өз жардыгы менен өлүм жазасына тартууга убактылуу мораторий жарыялаган. Анын мөөнөтү 30-июнда бүткөн. Эл аралык мунапыс уюму Пакистан өкмөтүнүн кадамына “айран калганын” билдирип, премьер-министр Наваз Шарифти өлүм жазасына мораторийди тез калыбына келтиргенге чакырды. Адам укугун коргоочу уюмдун эсебинче, Пакистанда азыр жогорку жазага тартылган 8 миңден ашуун адам бар. Алардын көбүнүн доо арызынын мөөнөтү бүткөндүктөн, токтоосуз атылышы мүмкүн.
