АКШдагы Луизиана университетине акысыз окууга баруучу Ыманалы уулу Чолпонбайдын жол акысы үчүн 2 миң доллар берилет. Бул каражат Ош шаардык кеңешинин бюджетинен берилмек болуп, шааркеңештин бүгүнкү отурумунда чечим кабыл алынды. Шаардык мэриянын басма сөз кызматынан “Азаттыкка” билдиришкендей, Ыманалы уулу Чолпонбай буга чейин АКШга окууга баруучу жол киресин төлөөгө көмөктөшүүсүн өтүнүп, Ош шаардык кеңешинин депутаттарына кайрылган.(ZKo)