Балыкчы шаарында Ысык-Көл, Нарын жана Чүйдүн Кемин районунун балык чарбалары үчүн окуу борбору ачылат. Бул тууралуу “Ынтымак” ишканасынан Асан Үсөнбаев билдирди. Анын айтымында, аталган аймактарда соңку жылдары балыкчылык менен алектенгендер көбөйдү. Бирок бул жаатта тажрыйба, билим жетишсиз болууда. Ошондуктан, окуу борбордо балыкчылык менен алектенгендер тажрыйба алмашып, балык өстүрүүнүн жол-жобосун үйрөнүп турушмакчы.(BkA)
