Кумтөр жаңжалынын негизги уюштуруучулары ким экени аныкталды. Бул тууралуу бүгүн Ички иштер министрлигинин Башкы тергөө башкармалыгынын бөлүм башчысы Рустам Махмудов билдирди. Анын айтымында, быйылкы жылдын май айынын соңунда Жети-Өгүз районунда жол буумай, электр подстанциясын өз башынча басып алып өчүрүү, башаламандык жана бейбаштык фактылары боюнча эки кылмыш иш козголгон. Кылмышка шектүү деп кармалгандардын аты-жөнү тергөөнүн кызыкчылыгы үчүн азырынча айтылбайт. (RK/EBM)
