Бул тууралуу “Азаттыкка” “Акыйкат” партиясынын лидери Аликбек Жекшенкулов кабарлады. Анын айтымында, учурда мекенчил күчтөрдүн кыймылын түзүү үчүн “Акыйкат”, “Улуттар биримдиги”, “Ата-Журт”, “Чындык” партиялары баштаган бир нече саясий күчтөр сүйлөшүүлөрдү жүргүзүп жатат. Бул кыймыл орозо айы бүткөн соң активдүү аракеттерге өтүп, бийликтин алдына элдик ишенимдеги өкмөт түзүү, Кумтөрдү элдин пайдасына чечүү жана конституциялык реформа баштоо тууралуу бир катар талаптарды койгону жатат.(BkA\AiT)
