11-августта Кочкор районунун Ормон хан айылында сел жүрдү. Өзгөчө кырдаалдар министрлигинен кабарлашкандай, таңга маал катуу жааган жамгырдан улам айылдагы суу топтолгон бассейнден суу ташып, айылдын көчөлөрүн каптап, кичи көпүрөлөргө залал келтирген. Алдын ала маалыматтар боюнча селден жабыркагандар жок. Учурда райондук куткаруу кызматынын кызматкерлери менен жергиликтүү тургундар суу каптаган көчөлөрдү тазалап жатышат. (BkA)
