Норвегиянын премьер-министри Йенс Столтенберг жашыруун такси айдоочу болуп алып, Осло шаарында жүргүнчүлөрдү ташыды. Столтенберг катарындагы Жумушчулар партиясы жекшемби күнү жарыялаган видеотасмада айрым жүргүнчүлөр такси айдоочу премьер-министр экенин тааныган учурлар көрсөтүлөт. Столтенбергдин айтымында, мындай амалды “калк эмне каалаганын билүү максатында” жасаган. Жумушчу партиясынын өкүлү премьер-министрге таксист болууга реклама компаниясы көмөктөшкөнүн маалымдады. Норвегияда парламенттик шайлоо 9-сентябрда болот. Сурамжылоолорго караганда, көпчүлүк эл Жумушчу партиясына караганда оппозициядагы Консервативдүү партияны көбүрөөк колдойт. (AU)
