Путин: Эгер Сирияга сырттан чабуул болсо, Орусия Дамаскиге жардам берет

Бул туралуу бүгүн "Чоң жыйырманын" саммитин жыйынтыктаган маалымат жыйынында президент Владимир Путин билдирди.

"Биз андайда Сирияга жардам беребизби? Ооба, беребиз, - деди орус президенти. - Биз азыр да Сирияга курал-жарак жөнөтөбүз, экономика боюнча кызматташабыз. Ортодо гуманитардык багытта да кызматташуу болот, гумжардам бере алабыз го деп үмүттөнөм".

Сирия проблемасын бүгүн Санкт-Петербургдагы “Чоң жыйырманын” саммитинде орус-америка президенттери бетме-бет сүйлөшкөн. Бирок Путин бүгүнкү маалымат жыйынында билдиргендей, “ортодо мунаса табылган жок”.