Ошто камактагыларга китеп топтолууда

Ош шаарындагы №5 Убактылуу тергөө абагында жаткандарга китеп топтоо акциясы жүрүп жатат. Анын аймактагы “Позитивдүү диалог” коомдук фонду уюштурган.

“Адам укуктары боюнча "Эдвокаси" борборунун тараткан маалыматына ылайык, түрдүү багыттагы китептерди, юридикалык кодекстер жазылган брошюраларды топтоо бүгүн башталды. Ал 20-сентябрь күнү кечке уланат. Китеп топтоо акциясына бардык жарандар катыша алат, акция “Позитивдүү диалог” фондунун Оштогу кеңесинде жүрүп жатат. (SE)