Бүгүн Баткен шаарында Кыргызстан жана Тажикстан, Өзбекстан жаштары ортосунда спорттук мелдештер өткөрүлөт. Иш-чарага чек аралаш аймакта тирешүүлөр көп катталган Тажикстандын Ворух, Өзбекстандын Сох анклавынын жана Баткен районунун жаштары катышат. Акциянын демилгечиси Султан Артыковдун "Азаттыкка" айтымында, быйылкы жылы чек арада жаңжалдар көп катталуусу мындай иш-чаралардын зарыл экенин көрсөттү. Спорттун бир нече түрү боюнча жолдоштук беттеш «Чеги жок достук» долбоорунун алкагында өтүп жатат.
(JsA)
(JsA)
