Бүгүн Бишкекке Орусиянын алгачкы президенти Борис Ельциндин жесири Наина Ельцина келди. Ал Кыргыз-Орус Славян университетинин 20 жылдыгына карата уюштурулуп жаткан салтанаттуу жыйынга катышат. Аталган жогорку окуу жай бүгүнкү күндө өлкөдөгү эң престиждүүлөрдүн катарында турат. Ал 1993-жылы Кыргызстан менен Орусия ортосундагы достук келишиминин негизинде ачылган болчу. 2004-жылы университетке Борис Ельциндин наамы ыйгарылган. (RK)