Жекшембиде Газни провинциясында жолго коюлган бомба жарылып, ал жердеги тойго бараткан коноктордун автобусундагы 18 киши набыт болгон эле. Жергиликтүү бийликтердин айтымында, бомбаны жасаган болушу мүмкүн деп шектелген Мухаммад Асеф деген тургунду ошол эле айылдын эли тутуп, ташбараңга алган. Ал адам кылмышты жасаганын моюнга алганы айтылат. Жардыруу боюнча эч ким жоопкерчиликти өзүнө ала элек болчу. Адатта бул өңдүү жардырууларды талибдер жасаары айтылып жүрөт.
