Орусия саммит катышуучуларын аңдыган эмес

Евробиримдик Санкт-Петербургдагы Чоң жыйырманын жыйынына келген делегаттарга берилген USBлер атайын маалымат чогултуу максатында берилген деген маалымат текшерилгенин билдирди.

Еврокомиссиянын өкүлү Фредерик Винсент шаршембиде аталган USBлерде кооптуу эчнерсе табылбаганын айтып чыкты.

Апта башында италиялык басылма Санкт-Петербургдагы саммиттин катышуучуларына берилген белектерде тыңшоочу жана аңдуучу аппараттар болгон деп жазып чыгышкан. Расмий Москва муну жокко чыгарган.