Москвадагы Басманный соту бүгүн бул чечимин “Ив Роше” компаниясынын айланасындагы иштин алкагында чыгарганын билдирди. Бүгүнкү билдирүүсүндө, сот Алексей Навальныйдын өзүнүн банк эсептери да камалганын айткан болчу, бир аздан кийин билдирүүсүн кайра оңдоп, сөз Олег Навальный жөнүндө гана жүрүп жатканын белгиледи. Өткөн айда Алексей Навальный менен анын бир тууганы Олег аталган ишканадан 26 млн. рубль акча уурдаган деп айыпталган. Непада сот аларды бул иш боюнча күнөөлүү деп тапса, 10 жылга чейин түрмөгө отургузушу мүмкүн.
