Айтматовдун «Сүйүү тууралуу эки ооз сөзү» табылды

Чынгыз Айтматовдун 1960-жылдардын башында ал кездеги Чехословакияга келгенде жазган унутулган кол жазмасы табылды.

Аңгеме түрүндөгү эссе мурда орус же кыргыз тилинде жарык көргөн эмес, бирок Прагада чыгуучу өспүрүмдөрдүн «Златый май» журналында 1962-жылы феврал айында чех тилинде чыккан.

«Златый майдын» ошол кездеги баш редактору Зденек Слабый Айматовдун кол жазмасынын көчүрмөсүн "Азаттыктын" карамагына берди.

"Азаттык" менен маегинде жазуучу Слабый Айтматов менен ал 34 жашында экенинде кантип биринчи жолу таанышкандыгын да айтып берди.