Каирде автобус жарылды

Бийлик “Мусулман агайындар” кыймылына карата катуу чара көрүп жаткан учурда автобус жарылып, беш киши жаракат алды. Египеттин ички иштер министрлиги бейшембиде билдиргендей, жүргүнчүлөрдү ташыган автобус Каирден Нэср шаарына бараткан. Полиция автобустагы экинчи бомбаны жок кылууга жетишти.

Египет бийлиги “Мусулман агайындар” кыймылын террордук уюм катары таанып, анын 16 мүчөсүн камакка алган.(ZKo)