Баткен: быйыл мигранттар 6,5 млрд. сом которгон

2013-жылы четте иштеп жүргөн мигранттардын которгон акчасы 6,5 млрд. сомду түздү. Бул тууралуу "Азаттыкка" өкмөттүн Баткен облустук өкүлчүлүгүнүн экономиканы өнүктүрүү жана ишкердикти колдоо бөлүмү билдирди.

Баткен облусу үчүн быйылкы жылы 15 млрд. сом накталай акча банктар аркылуу алынса, анын ичинен 6,5 млрд. сому четте жумуштап жүргөн мигранттардан келген. "Мындан тышкары банк аркылуу эмес накталай жана материалдык түрдө да каражаттар мигранттардан келип турат" деп айтылат маалыматта.

2008-жылы четте иштегендер которгон акча 2,5 млрд. сомду түзгөн. (JsA)