Инновациялык мектептерге заманбап жабдуу орнотулат

Кыргызстанда инновациялык деп аныкталган мектептерге март айында жаңы заманбап жабдуу жеткирилет. Бул тууралуу бүгүн "Азаттыкка" Билим берүү жана илим министрлигинен кабарлашты. Каражат мамлекеттен бөлүнөт.

Башкаларга үлгү боло турган инновациялык 100 мектептин тизмеси жакында түзүлгөн. Ага кирүү үчүн мектептер арасында сынак жүргүзүлгөн. Жыйынтыгында Бишкектен 7, Ош шаарынан 2 жана облустардан 91 мектеп тандалып алынган. Кыргызстанда 2204 мектеп бар. (RK)