Парламентте өкмөттү кетирүү сунушу айтылууда

"Азыркы өкмөттү кыйнабай, Кумтөр боюнча биз талап кылып жаткандай чечим кабыл ала турган жаңы өкмөт түзөлү", - деп сунуштады "Республика" фракциясынан депутат Кенжебек Бокоев.

Парламент бүгүн Кумтөр келишимин талкуулоодо. Өкмөт башчы Жантөрө Сатыбалдиев мурда үч жолу сунуштаган долбоорун кайра алып келди.

Парламент Кумтөрдөгү Кыргызстандын үлүшүн 67%га жеткирүүнү талап кылып жатат, өкмөт 50%дан жогорулатуу азыр мүмкүн эмес дегенин айтып келатат.

Айрым депутаттар азырынча өкмөттүн отставкасы тууралуу маселени көтөрүү туура эмес деген пикирде. (RK)