Сочиде түздүктө лыжа тебүү боюнча эркектердин спринт жарышында Орусиянын командасы алтын алды. Аялдардын ушул эле түр боюнча мелдешинде Норвегия жеңди. Америкалык лыжачы Тед Лигети гигант слаломдо марага биринчи болуп келди. Эркектердин катарлаш гигант слаломундагы сноуборд тебүүдө АКШда туулган орусиялык спортчу Вик Уайлд биринчи болуп келди. Ушул эле спорттун түрү боюнча Швейцариядан Патриция Кумер аялдардан марага озуп келди. Бүгүн Сочиде спорттун сегиз түрү боюнча мелдештер өтүүдө.
