Ири мамлекеттер эки Корея өлкөсүн сабырдуулукка чакырды

Дүйшөмбү күнү Түндүк жана Түштүк Корея артиллериялык ок атышуу менен алмашкандан кийин дүйнөлүк ири мамлекеттер мына ушундай чакырык менен чыгышты. Вашингтон Түндүк Кореянын аракетин чагымчыл жана коркунучтуу деп атаса, Орусия кырдаалдын курчушуна тынчсыздануусун билдирген. Кытай тараптарды сабырдуулукка чакырды.

Дүйшөмбү күнү аскердик машыгуу учурунда Түндүк Корея Түштүк Кореяга жакын жерди артиллерия менен аткылаган, Түштүк Корея ага жооп берген. Бирөө-жарым жабыркаганы жөнүндө маалымат түшкөн эмес. Бирок аткылашуу орун алган учурда Түштүк Корея жарандарын эвакуациялаган.(AiT)