Өкмөт Бажы биримдигине кирүү үчүн Кыргызстандын “жол картасы” 95% бүтүп, алдыда Бажы биримдигинин уюштуруучулары менен акыркы варианттар боюнча келишүү калганын билдирүүдө. Бул арада социологиялык изилдөөлөр Кыргызстанда Бажы биримдигине кирүүнү жактагандардын саны былтыркыга караганда кыйла кыскарганын көрсөттү. Бажы биримдигинин Кыргызстанга тийчү пайда зыяны канчалык таразаланды? Бул уюм Кыргызстанга экономикалык ири утуш алып келеби же тескерисинче Орусиянын көзүн каратабы? “Азаттыктын” Ынгайсыз суроолор телепрограммасынын бул чыгарылышында ушул суроолорго жооп издедик. Талкууга экономикалык өнүктүрүү министри Темир Сариев менен Жаш ишкерлер кеңешинин аткаруучу директору – Руслан Акматбек катышты.