“Жаз - Бишкек - Жаз” фестивалы башталат

Эл аралык “Жаз-Бишкек-Жаз” музыка фестивалы 11-апрелде борбор калаадагы Токтогул Сатылганов атындагы филармонияда башталат. Тогузунчу ирет өтүп жаткан иш-чара 19-апрелге чейин уланмакчы.

Быйыл ага Кыргызстан, АКШ, Германия, Тажикстан, Австрия, Өзбекстан жана Жапониядан 10 музыкалык топ катышат. Бул тууралуу фестивалды уюштуруп жаткан “Борбор Азия – Арт менеджмент” уюмунан кабарлашты.

Быйылкы фестивалга Кыргызстанда туулуп, учурда АКШнын жарандыгын алган “Гремми” сыйлыгына талапкер Эльдар Джангировдун келиши күтүлүүдө. (SE)