Дайынсыз жоголгон малайзиялык учакты Инди мухитиндеги ири издөө операциясына британ деңиз аскер флотунун суу астында жүрүүчү атомдук кемеси кошулду. "Тайерлесс" субмаринасы Боинг-777 авиалайнерин океан астында табууга атайын аспаптар менен жабдылган. Учурда Malaysia Airlines авиаишканасынын 239 адамы менен жоголгон лайнерди 10 кеме жана тогуз учак издөөдө. Каргашалуу 370-каттам 8-мартта Куала-Лумпурдан Бээжинге учуп чыккан бойдон дайынсыз.