Ооганстанда президенттик шайлоо ишемби күнгө белгиленген. НАТОнун баш катчысы Андерс Фог Расмуссен шаршемби күнү журналисттерге берген маалыматында, оогандыктар келечек үчүн зордук-зомбулуктарга карабай добу берерине ишеничин билдирди. Расмуссен талиптерди демократияга каршы турган, катаал диний көз карашты таңуулайт деп айыптады. Ал Ооганстан мамлекетинин күчтөрү 5-апрелде шайлоодо коопсуздукту камсыздоого жөндөмдүү деп эсептейт. (AiT)