Атамбаев: Биометриялык паспорт шайлоого чейин киргизилсин

Бул тууралуу президент Алмазбек Атамбаев Кыргызстанды өнүктүрүү боюнча Улуттук кеңештин жыйынында билдирди. Анын айтымында, өкмөт биометриялык паспортту 2017-жылга чейин киргизүүнү пландоодо. Президент таза шайлоону өткөрүү үчүн мындай паспорттун маанисин белгилеп, премьер-министр Жоомарт Оторбаевге биометриялык паспортторду тез арада киргизүүнү тапшырды.

Электрондук-биометриялык паспортко атайын чип орнотулат, ага адамдын биографиялык маалыматы менен кошо 3D форматтагы санарип сүрөтү киргизилет. (BkA/ZB)