Баткен облусунда 17 айылды өнүктүрүү боюнча план түзүлөт

Өкмөт башчы Жоомарт Оторбаевдин билдирүүсүнө караганда, ал чек арада жайгашкан 17 айылды өнүктүрүү боюнча башкы план түзүүнү тапшырды. Өкмөт башчы ошондой эле Баткен облусунда Көк-Таш-Ак-Сай-Тамдык жана Рават-Ак-Сай жолу курулуп, аягына чыгарыларын 19-апрелде Баткенге жасаган иш сапары учурунда билдирген.

Тажикстан жана Өзбекстан менен чектешкен Баткен облусу чек аралардын аныктала электигине байланыштуу олуттуу кыйынчылыктарга жана чыр-чатактарга кабылып келатат. (AiT)