Быйылкы жылдын эсебинен жеңилдетилген насыя бүгүнкү күнгө карата тогуз миңге жакын дыйкан, фермерге берилди. Өкмөттүн маалымат кызматынан кабарлашкандай, 8 799 насыянын жалпы суммасы 2 миллиард 685 миллион сомду түздү.
Эң көп Жалал-Абад (1 782 насыя) облусунун дыйкандарына берилди. Чүйгө 1 596, Ошко 1 547, Ысык-Көлгө 1 303, Таласка 970, Нарынга 849 жана Баткен облусуна 752 насыя тийди.
Быйыл өкмөт 5 миллиард сомду дыйкан, фермерлерге жеңилдетилген насыя түрүндө берүүнү пландоодо. (RK)
