Линктер

ЧУКУЛ КАБАР!
5-Март, 2021 жума, Бишкек убактысы 00:08

Кыргызстан Тажикстандан электр кубатын сатып алат


Токтогул ГЭСи
Бул тууралуу Кыргызстандын Энергетика жана өнөр жай министрлигинин статс-катчысы Батыркул Баетов билдирди. Анын айтымында, былтыркы кургакчылыкка байланыштуу Токтогул суу сактагычында суу жетиштүү топтолгон жок.

Буга байланыштуу өлкөдөгү ири суу сактагычтагы сууну үнөмдөө үчүн жайында Тажикстандан электр кубаты сатып алынышы мүмкүн. Учурда бул жаатта эки тараптуу сүйлөшүүлөр жүрүп жатат.

Буга чейин Кыргызстандын Энергетика министрлиги Казакстанга электр кубатын экспорттоо убактылуу токтотуларын билдирген болчу.

Расмий маалымат боюнча, ушу тапта Нарын дарыясындагы Токтогул суу сактагычында суунун көлөмү 8 миллиард кубду түзүүдө. Бул мурдагы жылдарга салыштырмалуу бир кыйла аз. (BkA)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG