Президент биометриялык маалымат базасын шайлоого чейин киргизүү талабын койду. Өкмөт каржы маселеси чечилсе, ишти 6 айда бүтүрүүгө болоорун айтып жатат. Парламенттик шайлоого биометрияалык паспорт менен баруу мүмкүнчүлүгү канчалык реалдуу? Деги эле бул жолу президент айткан так тизме, бирдиктүү каттоо, “бир шайлоочу - бир добуш” деген системаны ишке ашырууга Кыргызстандын чама-чаркы жетеби? “Ыңгайсыз суроолордо” ушул суроолорго жооп издедик. Талкууга биринчи вице-премьер-министр Тайырбек Сарпашев менен Борбордук шайлоо комиссиясынын мурдагы жетекчиси Акылбек Сариев катышты.